“KAN OFIN BEEKNE GABRA…!!”

By Abdulbaasix(Saphaloo) Kadiir

                      “KAN OFIN BEEKNE GABRA…!!”

Namni aadaan qabne,
Kan seenaas hin beeyne,
Kan eenyummaa isaa,
Beekee hin himannee,
Gabraaf galtee malee,
Oromoo tahuun saa,
Gonkuma hin mallee,
Amantiif siyaasaan,
Jijjiiramaa ooltullee,
Oromummaan dhiiga,
Dhalootarraa dhaallee,
Dhuha keessa jirtii,
Lafee cabsitullee,
Hin dhooyfamtu,
Hin dhokattuus yoomillee.

Amantiin ta’abbaatii,
Abbumaaf haa dhiifnu,
Sababa hin taaneen,
Addaan walin qoodnu,
Waan fadhetti amanuu,
Namuu mirga qaba,
San nutin gaafannu,
Rabbii uumee beekaa,
Nu isarran beeknuu,
Dhiisa dhiiroo lakkii,
Hojii rabbiin seennuu,
Teenyumma haa oofannuu.

Wanni nuti amma,
Eeggachuu’llee qabnu,
Aadaaf seenaa teenya,
Oromummaa keenya,
Waan ittiin beekkamnu,
Tuqaa isii’n hayyamnuu,
Akka nurraa tuqaniis,
Gonkuma hin feenu,
Fedhuuf illee’n teenyu,
Haa beekuu hundinuu,

Harka tokko taanee,
Diina haa dhamaafnu,
Ifiif wal facaafnee,
Ormaaf karaan bannuu,
Oromummaa teenya,
Mee haa lalifnuu,
Wal jala haa yaanuu,
Waliin haa kaanuu,
Wal maleen bareennuu. x2

===================
===================

Saphaloo Kadiir’iin
                                                                                                                                                     Fulbana,2013

                                                                                                                                                              Nairobi,Kenya